ចោរនេះមិនធម្មតាទេ ជិះរថយន្តកាមរី ដើរលួចស្លាកលេខ ក្នុងរាជធានីភ្នំពេញ ….
ជនសង្ស័យ២នាក់ ជិះរថយន្តកាមរី ដើរលួចស្លាកលេខរថយន្ត នៅចំណុចមាត់ប្រឡាយទឹកស្អុយ ផ្លូវបេតុង ភូមិមានជ័យ១ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ ត្រូវបានកម្លាំងនគរបាលខណ្ឌមានជ័យឃាត់ខ្លួន កាលពីថ្ងៃទី២៦ ខែវិច្ឆិកា ឆ្នាំ២០២១ វេលាម៉ោង០៣ម៉ោង៣០នាទីទៀបភ្លឺ ។
១-ជនសង្ស័យឈ្មោះ វ៉ង់ ខ័ណ្ឌដែន ភេទ ប្រុស អាយុ ៣៦ ឆ្នាំ ជនជាតិ ខ្មែរ ទីលំនៅផ្ទះជួល ផ្លូវ លំ ភូមិ ព្រែកតានូ សង្កាត់ ចាក់អង្រែលើ ខណ្ឌមានជ័យ រាជធានីភ្នំពេញ មុខរបរ មិនពិតប្រាកដ ។ (គ្មានផ្ទុកសារធាតុញៀន)
២-ជនសង្ស័យឈ្មោះ សុខ រ៉ា ហៅ ណូ ភេទប្រុស អាយុ៣៥ឆ្នាំ ជនជាតិ ខ្មែរ ទីលំនៅផ្ទះគ្មានលេខ ផ្លូវ លំ សង្កាត់- ខណ្ឌដង្កោ រាជធានីភ្នំពេញ មុខរបរ មិនពិតប្រាកដ ។ (គ្មានផ្ទុកសារធាតុញៀន)
វត្ថុតាងចាប់យក ៖ អាវដៃវែង ពណ៌ ទឹកប៊ិច មានសក្តិ, មានសញ្ញាស៊ីង អ.ហ ចំនួន ០២, មានឡូហ្គោអក្សរកងរាជអាវុធហត្ថចំនួន ០១, ទូរស័ព្ទដៃចាស់ ០១ គ្រឿង ពណ៌ ខ្មៅ លេខស៊ីមកាត ០១០ ៩១៧ ៩៧៧, កាបូបស្ពាយ ពណ៌ លឿង ចំនួន ០១ គ្រឿង, ស្លាកលេខរថយន្តចំនួន ០៨ បន្ទះ(ភ្នំពេញ ២BK-១៦០៥ ចំនួន ០២ បន្ទះ, ភ្នំពេញ ២AB-៦៧២២ ចំនួន ០២ បន្ទះ, ភ្នំពេញ ២BI-៥៨៤៥ ចំនួន ០១ បន្ទះ, ភ្នំពេញ ២AI-៦១០៨ ចំនួន ០១ បន្ទះ និងនគរបាល ២-១៤៥២ ចំនួន ០២ បន្ទះ), ប័ណ្ណសម្គាល់យានយន្តចំនួន ០២ សន្លឹក និងទុលឡឺវីសចំនួន ០២ (របស់ជនសង្ស័យ) ។
ចំណែករថយន្ត ០១ គ្រឿងម៉ាក កាមរី ពណ៌ ស ពាក់ស្លាកលេខ ស្វាយរៀង ២A-១៩០៨ លេខតួ=៤T១BB៤៦K៧៩៤០៨២៤៩១ លេខម៉ាស៊ីន=៤T១BB៤៦K៧៩៤០៨២៤៩១ ខាងលើមានភាពមិនប្រក្រតី កម្លាំងសមត្ថកិច្ចបានស្នើសុំរក្សាទុកនៅអធិការដ្ឋាននគរបាលខណ្ឌមានជ័យ ដើម្បីធ្វើការស្រាវជ្រាវបន្ត ដោយមានការឯកភាពពីលោកស្រី សុង ឆវ័ន្ត ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ។
បច្ចុប្បន្នជនសង្ស័យទាំង២នាក់ កំពុងឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់តាមនីតិវិធី៕
