រាជធានីភ្នំពេញ៖ ដោយផ្អែកលើកត្តាកំណើនប្រជាជន និងភាពរីកចម្រើននៃវិស័យសេដ្ឋកិច្ចរបស់កម្ពុជា យើងសង្កេតឃើញថា ខណ្ឌសែនសុខដែលមានភូមិសាស្ត្រស្ថិតនៅភាគពាយព្យនៃរាជធានីភ្នំពេញ ហើយទើបបង្កើតឡើងក្នុងឆ្នាំ២០០៩ កំពុងប្រែក្លាយទៅជាតំបន់ដែលលេចធ្លោជាងគេក្នុងរាជធានីភ្នំពេញ។
វត្តមានរបស់ហេដ្ឋារចនាសម្ព័ន្ធថ្នាក់ជាតិដូចជាសំណង់ផ្លូវ ស្ពាន លូ និងអគារមន្ទីរ ការិយាល័យរាជការមួយចំនួនព្រមទាំងមជ្ឈមណ្ឌលកម្សាន្តយ៉ាងសម្បូរបែប គួបផ្សំនឹងការរីកដុះដាលនៃវិស័យអចលនទ្រព្យ ដូចជាសំណង់លំនៅដ្ឋាន ផ្សារទំនើប និងសំណង់អាជីវកម្មផ្សេងៗជាច្រើនទៀត ដែលបានចូលរួមចំណែកយ៉ាងសកម្មក្នុងការប្រែក្លាយមុខមាត់ខណ្ឌសែនសុខ ទៅជាតំបន់ប្រកបដោយសក្តានុពលខ្ពស់ និងជាចរន្តសេដ្ឋកិច្ចរបស់កម្ពុជាទាំងមូល។
ក្រសួងរៀបចំដែនដី នគរូបនីយកម្ម និងសំណង់
គម្រោងដ៏ធំរបស់សិង្ហបុរីដែលនឹងផុសឡើងនៅលើទឹកដីខណ្ឌសែនសុខដែលមានរូបរាង និងការរចនាម៉ូដដ៏ស្រស់ប្រណីតនិងឡូយឆាយ ដែលលាតសន្ធឹងលើផ្ទៃដីចំនួន១.៥ហិកតា មានចម្ងាយត្រឹមតែ១នាទីពីសាលាអន្តរជាតិអូស្ត្រាលី ហ៊ុមព័ទ្ធទៅដោយផ្សារទំនើបនិងហាងលក់ទំនិញនានា២នាទីពីផ្សារទំនើប AEON Mall Sen Sok និង៥នាទីពីផ្សារលក់ទំនិញគ្រប់ប្រភេទMakro ត្រឹមប៉ុន្មាននាទីនឹងទៅដល់ ហាងគ្រឿងសង្ហារឹមGlobal Houseផ្សារជីបម៉ុងសែនសុខ ផ្សារThe Green Community Mall ផ្សារDesign Village និងផ្សារថ្មីៗជាច្រើនទៀត ទាំងអស់នេះរួមគ្នានឹងធ្វើឲ្យខណ្ឌសែនសុខ កាន់តែពិសេសជាងមុនទ្វេរដង។
អគារLeedon Heights នឹងលេចឡើងនៅសែនសុខ
ហ៊ុមព័ទ្ធដោយផ្សារទំនើបធំៗ
ខុសពីគម្រោងខុនដូដែលមាននៅលើទីផ្សារ គម្រោងខុនដូ Leedon Heights នេះត្រូវបានរចនាឡើងយ៉ាងសម្រិតសម្រាំង និងគិតគូរយ៉ាងល្អិតល្អន់ទៅលើគុណភាព និងស្តង់ដារនៃការរស់នៅលំដាប់ថ្នាក់អន្តរជាតិ រចនាបន្ទប់ធំទូលាយដើម្បីផាសុខភាពនៃការរស់នៅ គួបផ្សំនឹងសម្ភារៈបរិក្ខារដ៏សម្បូរបែប មានអាងហែលទឹកខ្នាតអូឡាំពិក អាងត្រាំទឹក “Jacuzzi” បន្ទប់ស្ទីម ផ្លូវរត់ហាត់ប្រាណ កន្លែងអាំងសាច់ ទីលានវាយសី និងទីតាំងកម្សាន្តជាច្រើនទៀតដែលអាចបំពេញរាល់តម្រូវការ និងធ្វើឲ្យជីវិតរស់នៅប្រចាំថ្ងៃរបស់អ្នកកាន់តែមានន័យ។ សំណង់អគារទាំង៤ កម្ពស់៣៦ជាន់ ដ៏មានភាពទាក់ទាញរបស់Leedon Heights រំលេចទៅដោយស្ថាបត្យកម្មដ៏ល្អឯក ទាន់សម័យ និងស៊ីវីល័យ ស័ក្តិសមបំផុតសម្រាប់មនុស្សសម័យថ្មី បូករួមនឹងសោភណ្ឌភាពដ៏គួរឲ្យចាប់អារម្មណ៍ អមជាមួយសួនទេសភាពដ៏ស្រស់ត្រកាល ដែលញ៉ាំងឲ្យការរស់នៅរបស់លោកអ្នកប្រកបទៅដោយភាពសុខដុមរមនានិងសុភមង្គល។
បន្ទប់គំរូរបស់ Leedon Heights
គ្រឿងបរិក្ខារទំនើបរបស់ Leedon Heights
គួរឱ្យបញ្ជាក់ផងដែរថា គម្រោងយក្ស Leedon Heights មួយនេះត្រូវបានសាងសង់ឡើងដោយក្រុមហ៊ុន MSQM ZTH អ្នកអភិវឌ្ឍន៍គម្រោងអគារខ្ពស់ៗ ដែលមានកេរ្តិ៍ឈ្មោះបោះសំឡេងជាច្រើនឆ្នាំក្នុងភ្នំពេញរួមមានLyve Inc Hotel និងអគារពាណិជ្ជកម្ម Global Tech Exchange ក្នុងខណ្ឌដូនពេញ Lyve Inc Hotel & Residences និង Central Boutique Hotel ក្នុងខណ្ឌ7មករា ព្រមទាំងឃ្លាំងឧស្សាហ៍កម្មទំនើប MSQM Park ក្នុងសង្កាត់ព្រែកហូរ ខេត្តកណ្តាលផងដែរ។
ជាមួយការរីកលូតលាស់ដ៏លឿនរបស់ខណ្ឌសែនសុខ ការប្រកបអាជីវកម្មនៅតំបន់នេះកំពុងតែទទួលបានអត្ថប្រយោជន៍ជាច្រើនពីព្រោះកំណើនប្រជាជនមករស់នៅទីនេះក៏កាន់តែច្រើនទៅៗ ហើយវាក៏ជាឱកាសដ៏ល្អមួយផងដែរសម្រាប់អ្នកដែលចង់វិនិយោគទៅលើវិស័យអចលនទ្រព្យនៅតំបន់នេះ។
តើខណ្ឌសែនសុខនឹងប្រែក្លាយជាបែបនេះទេ?
