លោក Jean-Paul Ly មានឈ្មោះក្រៅថា Sora ជាតារាសម្ដែងឈុតគ្រោះថ្នាក់ (Stunt) ក្នុងភាពយន្តហូលីវូដជាច្រើនដែលមានឈាមជ័រជាខ្មែរ។ កូនកាត់ខ្មែរ-ចិនដែលកើតនៅទីក្រុង Lyon ប្រទេសបារាំងរូបនេះបានសាងកេរ្តិ៍ឈ្មោះតាមរយៈការបង្ហាញខ្លួនក្នុងភាពយន្តហូលីវូដល្បីៗជាច្រើនហើយវត្ដមានរបស់តារាសម្ដែងរូបនេះបានបង្ហាញឲ្យប្រជាជននៅលើផែនដីស្គាល់កម្ពុជាកាន់តែច្បាស់ផងដែរ។ ក្រៅពីនេះ លោកក៏បានបង្ហាញឲ្យគេឃើញទេពកោសល្យតាមរយៈរឿងភាគទូរទស្សន៍ល្បីរបស់អង់គ្លេស ”24 Live Another Day” ភាពយន្តខ្លីៗ និងការផ្សាយពាណិជ្ជកម្មជាច្រើនទៀតផង។
យ៉ាងណាមិញចំពោះប្រវត្តិហាត់ក្បាច់គុណ អ្នកប្រយុទ្ធដែលមានឈ្មោះហៅក្រៅថា Sora មានបទពិសោធន៍ហាត់គុនដល់ទៅ ២៥ ឆ្នាំឯណោះ ពោលគឺលោកចូលហ្វឹកហាត់ក្បាច់គុនការ៉ាតេ Shotokan ដំបូងតាំងពីអាយុ ៥ ឆ្នាំមកម្ល៉េះ។ បន្ទាប់ពីនោះ អ្នកប្រយុទ្ធខ្មែរ-បារាំងបានបន្តហ្វឹកហាត់វិជ្ជាការពារខ្លួនរបស់កូរ៉េហាប់គីដូ, Capoeira, Tricking, ការ៉ាតេកីឡា, ប្រដាល់, កាយសម្ព័ន្ធ និងតេក្វាន់ដូជាហូរហែ។ អ្នកលេងក្បាច់គុណចម្រុះម្នាក់នេះក៏ជាសមាជិកក្រុមសម្ដែងឈុតគ្រោះថ្នាក់អាជីពកំពូលរបស់បារាំង CASCADE DEMO ផងដែរ។
បច្ចុប្បន្នលោក Jean-Paul Ly មានវ័យ ៣៧ ឆ្នាំ ដោយលោកបានប្រលូកចូលក្នុងវិស័យសម្ដែងភាពយន្ដនេះអស់រយៈជាច្រើនឆ្នាំមកហើយ ដោយបានសាងកេរ្ដិ៍ឈ្មោះនៅក្នុងការសម្ដែងរហូតបានឈ្នះពាន់រង្វាន់អ្នកសំដែងឆ្នើម ប្រចាំឆ្នាំ ២០១៧ ផងដែរ។ លោកបានបង្ហាញសមត្ថភាពសម្ដែងក្នុងរឿងជាច្រើនដូចជា៖
រឿង STREET FIGHTER ASSASSIN’ FIST – EUROPA FILMS Joey Ansah & Christian Howard
រឿង LUCY – EUROPACORP Luc Besson (France) និងរឿង INERTIA – EUROPACORP Julien Rey & Samir El-Hammami
រឿង PISTE NOIRE – ALAKIS PROD – Jalil Naciri & Florent Montcouquiol
រឿងGATWICK GANGSTERS – David Manning 2013 តួ Stunt – រឿង GATWICK GANGSTERS – David Manning
រឿងLES AVENTURES DE TRANH ET NOWAK – KIWI PRODUCTIONS Godefroy Ryckewaert (France)
រឿង CHAMELEON – Ki Films Beau Fowler
រឿង WHITEDOLOMYTE (pilot) – Aiko Horiuchi
រឿង NIGHT SAVIOR – AW Prod Stephane Tin
រឿង PiCCADILLY RUMBLE – AW Prod Stephane Tin
រឿង “DISCLOSED PROJECT” – Disney Company
រឿង CHASING SHADOWS
រឿង CINDERELLA – Disney Company – Kenneth Branagh និងរឿងជាច្រើនផ្សេងទៀត។ ហើយក្រៅពីនោះគាត់ក៏ជាអ្នក សម្របសម្រួលសម្ដែងឈុតគ្រោះថ្នាក់ក្នុងរឿងល្បីៗជាច្រើនទៀតផងដែរ ដូចជា រឿង CHAMELEON – Ki Films Beau Fowler រឿង UNDERGROUND – AW Prod Stephane ។
ក្នុងនោះគាត់ក៏បានដើរតួរផ្សាយពាណិជ្ជកម្ម ដែលជា អ្នកលេងសាមូរ៉ៃ – SNICKERS COMMERCIAL with M. Bean – House of flying Bean – With Rowan Atkinson ផងដែរ។ នេះគឺជាមោទនភាពដ៏ធំមួយសម្រាប់ប្រជាពលរដ្ឋកម្ពុជា ដែលមានជនជាតិយើង អាចបង្ហាញខ្លួនឲ្យបរទេសបានឃើញពីសមត្ថភាព និងទេព្យកោសល្យ ព្រមទាំងឲ្យគេស្គាល់ជនជាតិខ្មែរកាន់តែច្បាស់ផងដែរ៕
